28–ാം മൈലിൽ റോഡിൽ മരംവീണ് ഗതാഗതം മുടങ്ങി
കക്കയം –തലയാട് റോഡിൽ 28–ാം മൈലിൽ രണ്ടിടങ്ങളിൽ റോഡിലേക്ക് മരങ്ങൾ വീണ് ഗതാഗതം തടസപ്പെട്ടു. ഇന്നലെ രാവിലെ ആറു മുതൽ 10 വരെ വാഹനഗതാഗതം മുടങ്ങിയതോടെ വാഹനങ്ങൾ കല്ലാനോട്, കൂരാച്ചുണ്ട് വഴിയാണ് സർവീസ് നടത്തിയത്.രണ്ട് വൈദ്യുതി തൂണുകളും ലൈനും പൊട്ടിവീണതോടെ വൈദ്യുതിയും മുടങ്ങി. നാട്ടുകാരുടെ നേതൃത്വത്തിലാണ് മരങ്ങൾ മുറിച്ചു നീക്കിയത്. കൂരാച്ചുണ്ട് പൊലീസും പേരാമ്പ്ര ഫയർഫോഴ്സും സ്ഥലത്തെത്തിയിരുന്നു. നാട്ടുകാരായ തോമസ് പാലക്കൽ, സജി ചോരപ്പള്ളി,തോമസ് അറക്കൽ,രാജൻ മലയിൽവളപ്പിൽ, പാപ്പച്ചൻ കരിമ്പനക്കൽ, രഘൂത്തമൻ, ഗോപാലൻ, ജോസ് എന്നിവരുടെ നേതൃത്വത്തിലാണ് മരങ്ങൾ മുറിച്ചു ഗതാഗതം പുനഃസ്ഥാപിച്ചത്. | |
Posted by : admin, 2017 Feb 16 05:02:30 am |