കെട്ടിടത്തിന് നമ്പറിടുന്നതിന് അനാവശ്യമായി കാലതാമസം വരുത്തുന്ന പഞ്ചായത്ത് അധികൃതരുടെ നിലപാടിൽ പ്രതിഷേധിച്ച് കെട്ടിട ഉടമ ശെൽവരാജും കുടുംബവും പഞ്ചായത്ത് ഓഫിസിന് മുൻപിൽ നടത്തിയ അനിശ്ചിതകാല സത്യഗ്രഹം അവസാനിച്ചു. പഞ്ചായത്തിൽ ജനപ്രതിനിധികൾ, രാഷ്ട്രീയ പാർട്ടി നേതാക്കൾ, ഉദ്യോഗസ്ഥർ, സമരസമിതി നേതാക്കൾ എന്നിവർ പങ്കെടുത്ത ചർച്ചയിൽ തീരുമാനത്തിലെത്തി. ട്രൈബ്യൂണലിന്റെ വിധി പ്രകാരമുള്ള നടപടിക്രമങ്ങൾ പൂർത്തീകരിച്ച് ഏപ്രിൽ 10നകം കെട്ടിട നമ്പർ അനുവദിക്കണമെന്ന നിർദേശം പരിഗണിക്കുമെന്ന് പഞ്ചായത്ത് സെക്രട്ടറി സർവകക്ഷി യോഗത്തെ അറിയിച്ചു. പഞ്ചായത്ത് പ്രസിഡന്റ് വിൻസി തോമസ്, വൈസ് പ്രസിഡന്റ് ഒ.കെ. അമ്മദ്, മെംബർമാരായ ജോസ് ചെരിയൻ, ബിജുമാണി, സെക്രട്ടറി ആനന്ദൻ, കൂരാച്ചുണ്ട് അഡീഷനൽ എസ്ഐ അഗസ്റ്റിൻ പേഴത്തിങ്കൽ, സമരസമിതി ചെയർമാൻ ഒ.ഡി. തോമസ്, വിവിധ ...

ടാറിങ് പൊട്ടിപ്പൊളിഞ്ഞ് ഗതാഗതം ദുഷ്കരമായ കൂരാച്ചുണ്ട്–കല്ലാനോട്, കൂരാച്ചുണ്ട്–നരിനട, കൂരാച്ചുണ്ട്–വട്ടച്ചിറ റോഡുകൾ റീ ടാറിങ് ചെയ്യുവാൻ അധികൃതർ അടിയന്തര നടപടിയെടുക്കണമെന്ന് മോട്ടോർ ആൻഡ് എൻജിനീയറിങ് വർക്കേഴ്സ് യൂണിയൻ (സിഐടിയു) പഞ്ചായത്ത് കൺവൻഷൻ ആവശ്യപ്പെട്ടു.  പഞ്ചായത്ത് വർഷങ്ങളോളമായി മുടങ്ങിക്കിടക്കുന്ന ഓട്ടോറിക്ഷകളുടെ പെർമിറ്റ് പുതുക്കി നൽകണം. യൂണിയൻ‌ മെംബർമാർക്ക് തിരിച്ചറിയൽ കാർഡ് വിതരണവും നടത്തി. യൂണിയൻ ജില്ലാ ജോ. സെക്രട്ടറി പരാണ്ടി മനോജ് ഉദ്ഘാടനം ചെയ്തു. മുനീർ കൂരാച്ചുണ്ട് ആധ്യക്ഷ്യം വഹിച്ചു. ഏരിയാ സെക്രട്ടറി സോമൻ ബാലുശ്ശേരി, കെ.എ. ശ്രീജൻ, സുഗുണൻ കറ്റോടി, കെ.വി. സുനിൽ എന്നിവർ പ്രസംഗിച്ചു. കൂരാച്ചുണ്ട് പഞ്ചായത്ത് മോട്ടോർ ആൻഡ് എൻജിനീയറിങ് വർക്കേഴ്സ് യൂണിയൻ (സിഐടിയു) കൺവൻഷനിൽ ജില്ലാ ജോ. സെക്രട്ടറി പരാണ്ടി മനോജ് ...