വനം വകുപ്പ് അധികൃതരുടെ മനുഷ്യാവകാശ ലംഘനത്തിൽ പ്രതിഷേധിച്ച് കക്കയം നിവാസികൾ ബഹുജന പ്രക്ഷോഭത്തിലേക്ക്. ജനവാസ കേന്ദ്രത്തിൽ കക്കയം അങ്ങാടിക്കടുത്തുള്ള വന സംരക്ഷണ സമിതി കൗണ്ടർ മാറ്റി സ്ഥാപിക്കുക,. കർഷകരെ കുടിയിറക്കാനുള്ള ഗൂഢനീക്കം അവസാനിപ്പിക്കുക, വന്യമൃഗശല്യം പരിഹരിച്ച് കർഷകർക്കു നഷ്ടപരിഹാരം നൽകുക എന്നീ ആവശ്യങ്ങളുന്നയിച്ച് സമരം സംഘടിപ്പിക്കുന്നതിന് കക്കയം പാരിഷ് ഹാളിൽ ചേർന്ന ജനകീയ കൺവൻഷൻ തീരുമാനിച്ചു.
കക്കയം നിവാസികളായ ജനങ്ങൾ, ബന്ധുക്കൾ എന്നിവരിൽ നിന്നുപോലും 40 രൂപ ഫീസ് ഈടാക്കുന്നതായാണ് നാട്ടുകാരുടെ പരാതി. 23ന് കക്കയം വന സംരക്ഷണ സമിതി കൗണ്ടർ ഓഫിസ് ഉപരോധിക്കുന്നതിന് തീരുമാനിച്ചു. നാട്ടുകാർ കക്കയത്ത് പ്രതിഷേധ പ്രകടനവു നടത്തി. വിഫാം കർഷക ക്ലബ് അഡ്വൈസർ ഫാ. ജോർജ് തീണ്ടാപ്പാറ ഉദ്ഘാടനം ചെയ്തു. കക്കയം പള്ളി വികാരി ഫാ. അഗസ്റ്റിൻ ...
സമസ്ത കേരള ജംഇയ്യത്തുൽ ഉലമ നവോത്ഥാന ക്യാംപെയ്ന്റെ ഭാഗമായി എസ്‌വൈഎസ് ബാലുശ്ശേരി മണ്ഡലം ആദർശ സമ്മേളനം ഇന്നു വൈകിട്ട് നാലിന് കൂരാച്ചുണ്ടിൽ നടക്കും.
റഫീഖ് സക്കരിയ്യ ഫൈസി സമ്മേളനം ഉദ്ഘാടനം ചെയ്യും. ഇസ്‌ലാമിനെ അടുത്തറിയുക എന്ന വിയത്തിൽ റഹ്മത്തുള്ളാഹ് ഖാസിമി മൂത്തേടം മുഖ്യ പ്രഭാഷണം നടത്തും. എസ്കെഎസ്എസ്എഫ് ജില്ലാ പ്രസിഡന്റ് സയ്യിദ് മുബഷീർ ജമുല്ലൈലി, നാസർ ഫൈസി കൂടത്തായി എന്നിവർ ചടങ്ങിൽ പങ്കെടുക്കും.
കോൺഗ്രസ് മണ്ഡലം നേതൃത്വവുമായുള്ള അഭിപ്രായ വ്യത്യാസത്തെത്തുടർന്ന് പ്രവാസി കോൺഗ്രസ് സംസ്ഥാന സെക്രട്ടറിയും മണ്ഡലം കോൺഗ്രസ് സെക്രട്ടറിയുമായ ജയൻ കെ. ജോസ് കോൺഗ്രസിന്റെ പ്രാഥമികാംഗത്വം രാജിവച്ചു. പഞ്ചായത്ത് ഭരണവും പാർട്ടിയുമായി ബന്ധമില്ലെന്നും പാർട്ടി തീരുമാനങ്ങൾ മിനുട്സ് ബുക്കിൽ മാത്രം ഒതുങ്ങുന്നുവെന്നും ജയൻ കെ. ജോസ് പറഞ്ഞു. പഞ്ചായത്തിന്റെ കഴിവുകേട് മറയ്ക്കാൻ യൂത്ത് കോൺഗ്രസ് പ്രവർത്തകരെക്കൊണ്ട് മാലിന്യ വാഹനം തടയിക്കുകയാണെന്നും ആരോപിച്ചു. കർഷകർക്ക് അനുകൂല നിലപാടെടുത്തതിനാണ് പാർട്ടി വിശദീകരണം ആവശ്യപ്പെട്ടത്.
ല്ലാനോട് 28–ാം മൈൽ പ്രധാന പാതയിൽ 28–ാംമൈലിനടുത്ത് റോ‍ഡിന് സംരക്ഷണ ഭിത്തി നിർമിക്കാത്തത് അപകടഭീഷണിയാകുന്നു, റോ‍ഡിൽ വലിയവളവൂം, ഇറക്കവുമുള്ള മേഖലയിൽ നിർമിച്ചിരുന്ന അരമീറ്റർ മാത്രം ഉയരമുള്ള ഭിത്തി വാഹനങ്ങളിടിച്ച് തകർന്ന നിലയിലാണ്.
പൊതുമരാമത്ത് വകുപ്പിന്റെ അധീനതയിലുള്ള റോ‍ഡാണിത്. ഉയരത്തിലുള്ള സംരക്ഷണഭിത്തി നിർമിച്ചില്ലെങ്കിൽ വാഹനാപകടമുണ്ടായാൽ വൻ താഴ്ചയിലേക്കാണ് പതിക്കുക.
കെഎസ്ആർടിസി ബസുകളുൾപ്പെടെ ഒട്ടേറെ വാഹനങ്ങൾ സഞ്ചരിക്കുന്ന റൂട്ടാണിത്. കക്കയം ടുറിസ്റ്റ് കേന്ദ്രത്തിലേക്ക് വിനോദ സഞ്ചാരികളും കൂരാച്ചുണ്ടിൽ നിന്നും താമരശ്ശേരിക്ക് യാത്രചെയ്യുന്നതിനും ഈ റോഡാണ് ആശ്രയം.
പൊതുമരാമത്ത് വകുപ്പ് അടിയന്തരമായി സംരക്ഷണവേലി നിർമിക്കാൻ തുക അനുവദിക്കണമെന്ന് നാട്ടുകാർ ആവശ്യപ്പെട്ടു.
ബാലുശ്ശേരി ബ്ലോക്ക് പഞ്ചായത്ത് സമുദ്രോൽപന്ന കയറ്റുമതി വികസന അതോറിറ്റിയുമായി സഹകരിച്ച് പഞ്ചയാത്ത് ഹാളിൽ അലങ്കാര മൽസ്യകൃഷി ബോധവൽക്കരണ സെമിനാർ നടത്തി. പഞ്ചായത്ത് വൈസ് പ്രസിഡന്റ് ഒ.കെ. അമ്മദ് അധ്യക്ഷത വഹിച്ചു. ബ്ലോക്ക് മെംബർ മാണി നന്തളത്ത്, സിഡിഎസ് ചെയർപഴ്സൺ ബിജി സെബാസ്റ്റ്യൻ, മനോഹരൻ എന്നിവർ പ്രസംഗിച്ചു. ഡോ. രഞ്ജിത്ത് കുമാർ ക്ലാസെടുത്തു.
മലയോര മേഖലയിലെ കൂരാച്ചുണ്ട്, ചക്കിട്ടപാറ, കാന്തലാട് വില്ലേജുകളിലെ ഇരുനൂറോളം കർഷകരുടെ ഭൂനികുതി നിഷേധിച്ച് കൃഷി സ്ഥലത്ത് ജണ്ട കെട്ടിയത് തടഞ്ഞ ജനപ്രതിനിധികളടക്കമുള്ള കർഷകർക്കെതിരെയുള്ള കേസിൽ ജില്ലാ കോടതി വെറുതെ വിട്ടതിൽ വനം വകുപ്പ് ഹൈക്കോടതിയിൽ റിവിഷൻ പെറ്റീഷൻ ഫയൽ ചെയ്തു. കേസിൽ ഉൾപ്പെട്ട 32 പേർക്കെതിരെ പേരാമ്പ്ര കോടതി ഒരു വർഷം തടവും 1000 രൂപ പിഴയും വിധിച്ചിരുന്നു.
2015ൽ അപ്പീൽ നൽകിയതിൽ ജില്ലാ കോടതി ശിക്ഷ റദ്ദാക്കി. വനം വകുപ്പ് അപ്പീൽ കാലാവധിക്കുള്ളിൽ കേസ് ഫയൽ ചെയ്യാത്തതിനാൽ കോടതിക്ക് മാപ്പപേക്ഷ നൽകിയാണ് അപ്പീൽ സിആർ/എംഎ 1657/16 നമ്പറായി ഫയൽ ചെയ്തത്. കേസിൽ ഉൾപ്പെട്ട ഒ.ഡി. തോമസ്, കുര്യൻ ചെമ്പനാനി, സാബിറ ബഷീർ, കെ.പി. ഗംഗാധരൻ, കൃഷ്ണൻകുട്ടി നായർ, വി.സി. ചെറിയാൻ, ബേബി വട്ടപ്പറമ്പിൽ, പോൾ പുത്തൻപുരയിൽ, വാസു കോട്ടക്കുന്ന്, ദാമോദരൻ എടക്കണ്ടത്തിൽ ...
Displaying 7-12 of 169 results.
420421419418417416
